Et ontstaon van de
De
Noatevraeters
In 1960 höbbe ein paar jôngere en aojere minse van ôs dörp wie
Jo Küppers, Charel v.d. Laar,
Sjang Bongaarts, Jan
Mofers, enz.enz.de köp biejein gestaoke om – netzowa ès in Steaveswaert- ein
vastelaovesvereniging op te richte. In de keffee biej Sjang koome ze biejein
vöör de ieëste vergadering. Der môs eine naam kômme, mer dae zoe waal
betrekking môtte höbbe op de twieë hermenieje die toe in ôs dörp woore. Nao
vööl kalle hadde ze nog geine orsjinele naam gevônje..
Later môster nog ein
twieëde vergadering biejein geroope waere. Daobiej waerde oug ein drietal minse
van de vastelaovesvereniging “De Leefhöbbers” oet Staeveswaert oetgenueëdigd
(die hadde op hun embleem ein glaas beer staon ès teike dét ze gaer ein glaeske
beer drônke) om te helpe mit et opzette van et ein en et anger, zoewa ès et
bedinke van eine naam! Nao vööl kalle en ein glaeske beer koom toevallig eine
van Staeveswaert (dae et zichzellef niet mieë kan herinnere!!) mit de naam “De
Noatevraeters”…….. Dae naam is et oeteindelik oug gewoore omdetter de meiste
betrekking haw op de twieë hermenieje, die same vööl “noate” blooze. In et
begin waerde op dae naam vööl
commentaar gegaeve van: waat is dét noe vöör eine naam ?!! en: kènt ger neet
gét baeters verzinne ?!!
De vrouw van Pierre De Bruin
deeg doe de mantjels vanne road make in de kleure; gael/zwart…
Dit omdét et toen de kleure van de voetbalklup Walburgia woore. Die kleurecombinasie is ontstange vanoet ein leedje- gesjreeve door eine Sitterdse kastelein- woo in de volgende teks in vöör koom; Geel/zwart zal het wezen, geel/zwart zal het zijn!!!! De datum vöör et ieëste prinsebal waerde vasgelag…. De “groate” men achter de sjérme kaoze doe de prins. Oug wie et noe is, waerde dét vrööger good geheim gehaoje! Resépsies haoje deege ze toe nog neet, mèr eine slöötelööverdrach hadde ze waal al!!! In et vreugere geménjehoes op Genoa kreeg de prins- in et biezeen van de raod, de geménjeraod, menieër pastoar enz.enz.-de slöötel oetgereik oet hènj van burgemeister Kelleners. Natuurlik môste alle keffees waere aangedoan en dét woore der mieë ès noe!
De ieëste prins van de
“vreugere” Noatevraeters woor Jo Küppers (Jo vanne bekker).
Prins Jo Küppers (1960).
Op de prinsewage is good
te zeen détter oug al mezieknoate op zootte…
De wage waerde toe
gemaak in de sjuur woo noe “De Ruïne” is……
Ein jaor later waerde Jo
oug de ieëste Vorst van de vereniging. Et jaor derop haet Charel v.d Laar et Vorstsjap
öövergenômme en dét 3 jaor lank gedaon......
Prins Charel v.d. Laar (1961).
In 1961 krege De
Noatevraeters ein “eige” prinsekepél woo Chris Goossens, Pietje, Eugène en Bèr
Vaassen, Herman Damen en Jules Goossens in speeldje. Die kepél hètje toen;”De
Laaker Lolmakers”.
Blaoskepél
“De Laaker Lolmakers”.
Laternao koome der
steeds mieë muzikante biej en zo zeen op gegaeve moment Die Dorfdudler” ontstange.
Dees blaoskepél is in ôs dörp en vér der boete hieël bekèntj gewaes……….
“C.V. De
Noatevraeters 1963”
Van links nao rechs en
van bove nao onger: R. Bell, R Thomassen, A. Bongaarts, Vors P. Pustjens, Burgemeister J.
Kelleners, Prins R. Pex, P.
Eisvogel, Pastoor L. Slangen, J. Stassen, P. de Bruin, J. Busschops, G. van Dijk, H. Haldermans, W. Rutten,
J. Mofers, G. Maessen, J. Pex, J.
Pustjens, A. Busschops, G. Laugs.
Et embleem – mit de
“Sol”sleutel,de noatebalk en de noate- détse toe hadde is noe nog steeds terök
te vinje in de prachtige sèpter dae Jan Hoebregs in 1960 ontworpe en gemaak
haw.
Dae sèpter is weer terök
biej de “huidige” Noatevraeters doordet Hary Pex nao vööl ômwaeg, de scepter
ôrges in et zuide van Limburg wis oet te haole.
Hary Pex & Jan Hoebregs
Weer zeender mèr gét
trots op dét ze dit aandinke oet dae vröögere tied nog steeds mooge en kenne
gebroeke……
Mer helaas moch
dees vereniging neet eeuwig bestaon.
Weer sjrieve et jaor
1980 és de groatere jeug van ôs dörp –lid vanne jeugvereniging “De Hut”- et
toch mèr gét jaomer vônje détter binne de gemeinsjap gein carnavalsvereniging
mieë bestông !! Et ennigste waatter op carnavalsgebied gedaon waerde waas het
haoje van eine optoch, georganiseerd door et Kinjervekansiewerk. Nao aafloup
waaster altied eine gezellige middig vöör de jeug en avondj vöör de graote…
In de twieëde helf van
1980 koom dèn oug et inisjatief van de vriewilligers vanne jeugvereniging ôm
ein carnavalsvereniging op te richte. Es naam waerde “De Noatevraeters”
gekaoze. Dèt waas namelik de naam van de vreugere carnavalsvereniging. Later
zoe blieke dèt et neet “De Notevraeters” –geneumd nao et groat aantal notebuim
in ôs dörp- môs zeen, mèr “De Naotevraeters”…… Et woore namelik mezieknoate
!!! De discussie die toen geveurd waerde ööver of et “gewueën” note of
mezieknoate môste zeen is noe nog steeds terök te vinje in et embleem van de
huidige “Noatevraeters”…
In et begin woore “De
Noatevraeters” nog neet zellefsténjig, mèr ein ônderdeil vanne jeugvereniging.
De Raod van Ellef –dae toen oet zowel dames ès hieëre bestông- prins en prinses
woore oug lid vanne juegvereniging! Nao zoewa gèt twieë jaor waerde toe
beslaote dèt de carnavalsvereniging ein zellefsténjigge vereniging môs waere
mit eine eige tempel! Deze waerde gevestigd in Cafe Beunen-Bongaarts. Oug
waerde beslaote dèt de Raod van Ellef allein nog mèr oet mansluuj zoe bestaon!
Et zal duudelik zeen dèt et programma in et begin nog neet zoewa vööl
vöörstelde…
Nao ein paar jaor môste
weer oug biej “Annemie” weg omdèt ôs activiteite zoewa woore oetgebreid dèt wer
dees op ein graotere lokasie môste haoje!!! Deze waerde gevônje in de zaal van
de Gebroeders Bongaarts. In de dao opvôlgende jaore is oug de vereniging
geleidelik gegreudj tot waat ze noe is. Om de jeug gèt mieë biej et
vastelaovesgebööre te betrekke waerde in de jaore ’90 et inisjatief genômme om
binne de vereniging oug ein jeufaafdeiling op te richte!!! Dit gebeurde in
samenwirking mit de basissjaol. Ze krege de toepasselikke naam “De
Noatevraeterkes”. Oug dees jeug is noe zellefstènjig gewaore.
